28歲，生日快樂。

不經不覺，已經28歲。

雖然仲係好似大唔透咁樣，仍然係貪玩，自我，對前路仍然係一片模糊…

Anyway，又一年過去，今年算係變化既一年。

身邊既人同事都改左好多，就連我自己都去咗另一個似曾相識既工作環境，重新出發。

新工作返咗一個月，大致上開始上手，亦都開始忙到甩轆…
不過，嚟緊仲有好多好多challenge等緊，要快D渡過實習期至得。

提起工作，舊戰友離開的離開，轉職的轉職，我冇記錯的話，
我走咗之後同Team已經有3個離職+2個轉職，真係食farewell飯都食窮…
幸好，呢班同事真係好老友，食飯搵埋我，唱K搵埋我，飲酒搵埋我，打波搵埋我，
連整機都搵埋我…haha

正如上一個post咁講

這裏，有很多我值得珍惜的人和事。

 SO，請繼續搵我出嚟。

讀書方面總算完成課程(雖然仲有兩科考試等緊)，不過某程度上，
我讀呢個course係浪費時間+金錢…Orz

Anyway，路，要繼續前行，考完試休息2-3個月又要搵野讀喇…
順便趁呢幾個月接多幾單freelance幫補吓學費先…

另一個人生重大問題…仍然是一片空白。
繼續空白落去?定係嘗試拎起彩筆?
keep tracking…

或者《大人》呢首歌幾句歌詞幾match我而家個情況…

過了十八　膊頭開始重 (係呀，讀到中七個書包唔重就奇)
勇到廿八　膊頭開始痛 (其實出嚟做野冇耐整親就已經痛，痛咗幾年啦…haha)

當人大了反覺渺小
當人大了知有不妙
當童話已慘被揭曉
我仍然是會大笑　大叫　大跳
為了　快樂當治療
(呢幾句中晒，我可寧願大笑置之)

Hapi b-day to me, again.

回想廿七年來，我經常被超越…

跑一百米，起步一剎，我經常佔據頭二名，但慢慢的被其他對手越過，
最終嘛…經常成為最後一個衝線的人

五年的校隊生涯亦差不多，由中三的必然正選+打足四十分鐘+得分王，到最後中七的第十二人

連我唯一一次參與八百米賽事亦是如此…被師弟追過的那刻，我只能苦笑

在工作上亦差不多，
在開始新工作時，我總會比大部份同事更容易適應新環境及新工作，
但到後來，當同梯各自取得成就時，我卻仍是原地踏步…

幸好，這些年來，日子總不算白過

最少，我領前及被超越的期間，我享受在前列的榮耀感，亦享受當被超越後可以當回一名普通人
因為我知道，當第一，要承受得起壓力及挑戰，我可不想當壓力煲…

當然，朋友的支持亦是非常重要…

今日，我收到52名朋友响FB留一句生日快樂(一個連我亦感到驚訝既數字呢)，
還有林夕小姐的一首BEason，thanks a lot。

對於27歲，本人希望達成幾個目標：

• 進修(已經plan左喇，準備交錢)，之後轉職
• 身體健康，所以要keep住做運動，
  同時為免雙眼受傷，故此配咗一副護目鏡，當係送俾自己既生日禮物
• 仲有其他就唔响度講喇…haha

突然想起龜兔賽跑，當人人亦說兔是驕傲致敗，但若從另一角度看，
兔領前了，選擇放棄最終的勝利而享受中段的閒適，那，兔又是否敗得一無所有?

或許，我就是那兔，haha

anyway， enjoy the life =P

P.S. 當大家以為我正日會好多人約嗰陣，其實係我冇人約囉
下年大家識做啦，hahahahaha

26年過去，總算不過不失，happy time>unhappy time…

期待明年今日的來臨…

在此順便post一下當日一人殺入機場影0既相…

另加Candid幾張… =P