到底，我既舞台响邊?

前幾日執屋，搵番2004年買既一本雜誌，令我對呢個問題更有興趣去寫一篇blog。

籃球舞台造就MJ成為一代傳奇

先用一個legend做例子。

我諗冇乜邊個會否定Michael Jordan係籃球史上其中一名最偉大球員，
但係大家又有冇諗過，如果MJ當年唔打NBA，走咗去打職棒
(MJ細個係鐘意棒球多過籃球)，佢又可唔可以做到而家咁既成就?

N年前响學校圖書館睇過一本書，好科學咁分析MJ既身體，
仲表示如果佢當年唔打籃球走去打棒球，佢一樣可以做到超凡既成就。

at 1st，而家諗番起，會懷疑本書既科學分析有幾強理據。
and，就算MJ打棒球一樣超凡入聖，佢能夠成為全球矚目既巨星嘛?

簡單做個example，你認為全球15-40歲人口中，
認識A-Rod的人多還是認識Kobe的人多?
(15歲以下太嫩，forgive them，40歲以上大多已是一家之主，
為生活營營役役，不認識他們我亦沒話說)

以下是我的答案(適合香港人)：

15-40的你問A-Rod是誰，我建議你可以search google，或者wiki

如果你問Kobe是誰，我會擔心你是火星人。
不是《單身男女》中那個火星人/eleven，而是貨真價實的異文化種類。
是那種幾乎不會看電視/上網/外出，只會專注於某一種文化/興趣/活動的終極otaku。
地球很危險，請回到火星。

如果你肯定你是human from earth，不是alien from mars，那麼，了解多一點這世界，thanks

雖然我不知道MJ最終選擇籃球的原因為何，但最少有一點可以說明，
合適的舞台，可以令一個人的成就更顯輝煌。

當然，我唔係要咩輝煌成就(don’t be silly, ok?)，但，沒人不想成功，right?

找一個fit yourself的舞台展現自己，簡單的self satisfaction / maximization。

如果舞台本身related to自己的興趣，這當然是好事。

所以我非常羡慕身邊一些朋友能夠在舞台上展現自己的興趣，或是自己的夢想(如下圖各位)。

朋友們，請繼續為自己的舞台而努力

• 籃球，如果我有Nate Robinson的身體強度同彈跳力，或者可以响甲一打個PG位，
  但係，「明天無咁早」。
• 攝影嘛，自問沒甚麼天份，身邊太多太多高手，偶爾放幾張爛相上FB騙回幾個”讚”，
  撈個freelance photographer還可，更進一步? not impossible，but really hard
• 工作上，大家應該知我仍在尋找最後的領地，however，年紀已經逼近deadline…
• 人生另一重要舞台+夢想，love affairs…come on, don’t piss me off, it’s really hurt me

too bad? maybe。

die hard? not think so。

後來得知九把刀來港演講，倒想聽聽他如何說「人生就是不停的戰鬥」。

找不到書本的獨照，唯有借呢張擺拍一用 =P

如果好理性，好理論咁去睇呢場演講，認真的，個talk主要係將九把刀著作中關於自己的過去生活同埋心情濃縮而成，另加一段有點廣告意味的《那些年，我們一起追的女孩》電影預告(當然還有其他，下面會講少少)。

yes，如果你自問已經讀完佢大部份著作(尤其是blog文集)，而你亦對電影沒興趣，或者你會認為呢場演講不值一提。

but!

人生最吊詭的就是這個but!

(sorry，容許我quote這一句 =P )

九把刀不是文字，不是書本。參加者不是機械人。

人與人之間的互動，最直接、最強烈的方式總是in your face…face to face。

背後的powerpoint亦應起一功

雖然我不是100%聽得懂講者的說話(85-95%左右吧)，但最少在書本上的文字，佢用其言語再一次植入參加者的腦內，以更直接的方式植入
(有點像《Inspection》? maybe，但聽talk肯定好過你齋睇小說or blog)

企响演講廳最後一排，一企就係兩個鐘，雖然辛苦，但係值得。

at least，呢兩個鐘沒有悶場。

at least，這場演講充滿笑聲，亦有絕對充足的掌聲。

at least，呢兩個鐘令我更加認識九把刀這個人。

at least，雖然個talk未令佢升lv成為我既偶像

(偶像的定義有2，1st，偶像本身要完美無缺點，2nd，要令崇拜者希望複製佢既成功/優點响自己身上，但九把刀不是完美，我亦不打算倒模複製佢既成功同優點)

不過正因為佢既真實性/坦率，才可以令我不經不覺地年幾買咗佢22本書
(我都覺得crazy)，聽完個talk之後更加覺得worth for it

at least，佢既自信，佢既努力，唔係天馬行空地响得到名聲之後至後加的嘴砲。
一段响台灣綜藝節目度capture出嚟既短片證明咗呢一點。

at least，正如佢最尾所言，希望參加者聽完演講後可以最少得到一句受用既說話。

←←我嘛? luckily，最尾一段，I got it。

這段漫畫quote是井上雄彥的《Real》，可惜已不記得是第幾期。

off topic，這段quote好像我人生寫照。
真的很像。

at least，我的人生仍有需要完成的task，仍然有我已有的/興建中的舞台，仍然有機會，仍然有夢想…

我仍然有這裏，一個近乎絕對自由的舞台，雖然沒有/甚少觀眾，但仍然有自己一席之地
唯一問題是要繼續整理，這點需要時間…

自信2年多後我仍然可以繼續當上球場上的活力小子(家誠，我仲記得你講過30歲後都落場架)

2個必需要完成的task，期望今年內可以一口氣KO，仍然將完成呢兩個task所訓練出嚟既能耐，去繼續我既人生

2個放在眼前的機會，雖然其中一個剛得知可能已經破滅，原因? simple，機會留給有準備既人，我準備不足，抵死。

But，我更相信機會是需要爭取同埋把握，so，另一個未開始爭取同把握既機會，I’m coming

2個放在口邊及心裏多年的夢想，一個雖然已經半放棄狀態，但情況許可，我會用上所有的力量達成，
而另一個，正努力蓄集需要的能量及基礎，目標：30歲前把這個舞台建成，縱使可能只有幾天的壽命

最後的人生大理想，仍是那回事，仍是那問題，anyway…

「我會是一個好男友的，真的」

雖然我外貌身形性格也是below average，但這點我沒challenge過自己。

不管如何，keep movin’ towards，就算不能如九把刀所言「天空見」也好，
in the right place，at the right time，with the right ppl，do the right thing

還有，be yourself，忠於自己。

主席呢個位唔係人人坐得落，我好明顯唔係一個合適人選

植苗盃係我做主席之前最後一個in charge既event，之後嘛…

2月，當選YF主席。

有得揀，你至係老闆。
的確，如果有得揀，我都唔想做呢個位，因為自問唔係好人選，
無論自我管理還是團隊管理我都力有不逮…

可惜，我唔係老闆。(原因?請參閱膠箱作業與繼續敗家)
Anyway，做咗大半年，個人評分係25分，fail。
認真的，我寧願做一個project in charge，亦自問能力上仲應付到，
但係唔想做group leader然後拖低整個團隊既力量。

That’s all I say.

第一次坐飛機，目的地：台灣

淡水，上次擦身而過，我們後會有期

3月中，終於跨越萬尺高空。

台灣7日之行，雖然比平常人貴咗少少(因為一條友住雙人房)，
不過絕對係人生難忘的經驗。

本來諗住寫篇嘢講行程種種，不過擺低咗大半年，細節已經唔記得，
相就FB已經大把，得閒執D靚既放番上blog gallery。

唯一肯定的是，我會再到台灣，一個人，或者兩個人。

中九把刀毒

呢本係第二本…而家嘛，十一本。

詳細唔多講，因為另外會有post講佢。等吓啦(如果唔係upgrade WP死機就唔會咁講…灰晒)。

繞了一圈最終都是A-Mount

聰明人自然知道我點解會影到張咁既相
(提示：right click save as + right click properties)

本來換咗E620，諗住可以玩4/3玩多年幾，但係so-called旗艦E-5一出，
即時跌入谷低，低價放機然後入手第4套System。

諗番轉頭，當年入手第一部DSLR時其實屬意KM，但係D5D太輕，D7D太貴，
結果最後入咗Nikon，兜咗個大圈，又係用番A-Mount。犯賤。

開始定性?

一年多前影落既。

講緊係份工。2年+，最長既一份。BTW，3年指日可待。
所以你哋班友仔唔好再問我轉咗工未喇…ok?

重回校園

lifelong…如果可以lifelong坐地鐵有特惠你話幾好呢…

擺低7年，結果都係要讀番。
為咩?好現實既升職加人工(唔通為咗上堂識女仔咩?)。

努力中。最快2011年尾畢業。
不過唔會影畢業相喇。Pro-Dip根本不值一提。

上Degree嘛?30歲前積極考慮。

第一次「預見」死亡…

唔係相中人有事，放心。只係…係一樣演習嘛?

Bad news唔想多寫，想知可以睇番前幾篇。
响度mark低，係因為，我需要响呢方面變得更mature。

冇人會知，下一刻，會係邊個離你而去。

愛上(?)兩個女孩子

個問號係因為，我必須懷疑，我係咪真係愛上呢兩位女孩子。
或者係，到底我對「愛情」既定義係咪同社會有好大分別。
anyway，自己知自己事，「自我感覺良好」同「自我感覺不良好」都係自己知only。

唔會否認既係呢兩位女子的確曾經令我好想成為佢身邊一個重要角色，
不斷嘗試去support佢哋，同時不斷去諗計去吸引對方注意，
絕對可以用”DELIRIOUS(瘋狂)”呢個字嚟形容…

然而，一個已成過去式。

而另一個嘛…幸好(really?)，退後一步想，放下了不少。
答案，原來一直都係自己已知既一個道理…

今日，我選擇let it be。
雖然，我仍未放棄。
但係，未放棄唔等於要窮追不捨。
而且，我討厭爭奪，因為一爭，最終總會有一人受傷，甚至係all lose。
如果可以， 我想所有人都成為我既朋友，而唔係so called競爭對手。
因為，我唔想任何人因為我既行為而受到不必要的傷害。
(對方主動挑機就另計)

我知道自己應該做D咩。
最重要既係，let her become a girl rounded with happiness

未來…?

好多嘢已經定咗，冇得NG再嚟過，路，要keep walking。
另一方面，前路係點，G.O.D. knows?
既然如此，so-called「來年計劃」，响呢一刻已經meaningness

繼續向前進發。仲有就係，be MYSELF…

Hapi New Year 2011

到底，如何才可以讓我這幾近瘋狂的心得以平復? 或許，只是一個簡單答案

又一個月…呢度就嚟舖塵喇…

• 終於讀完兩科，考埋試，雖然always「臨急抱佛腳」，
  不過個人認為臨尾讀好過讀完一大輪之後唔記得…
• 1月中又要開學，未見阿Sir先擺低九千四…
• 工作上開始要搞埋公司內部網頁既update，雖然都係D基本嘢，
  技術層面上就難唔倒喇，只係一見到用frontpage同埋sharepoint寫既webpage，
  嗰堆source code同埋stylesheet可以去到style9X就真係會燥底…
• 幫師妹影畢業相，同行識到個幾好傾既女仔，同時間响FB引來一串回響…
  多謝各位對我既關懷，我再一次澄清，係好傾，not心動/有好感…etc，
  無謂嚇怕人哋嘛…hahahaha
• 闊別正規比賽幾年(我指既係full court 5on5)，終於再以「觀中」名義比賽，
  雖然表現係差到嘔…只能說歲月催人老…跑唔郁喇…射唔準喇…
  …加操事在必行…
• Coming 5日既schedule真係「冇朋友」，好在同事話24號可以陪坐到10點收工喎…
  BTW，如果各位真係有事做的話大可各自各精采，唔駛陪我，haha
• 另一方面，真係好想知佢到底係點諗…
  and，禮物努力準備中…

下次update，但願係12/31前…

與平日有點不一樣，他沒有開面譜了解朋友最新動態(而且他從不偷菜)，
亦沒有到論壇與網友聊天，反而到了已經塵封久遠的柵架，
輸入一個熟悉，同時陌生的login，用滑鼠在視窗上打了數圈，
之後找回那個subscription，不由自主地指著一個更熟悉，同時更陌生的名字…

最終，他還是對自己坦白，一探這人有甚麼新事情。
Browser刷新到另一個page，看到最新的update，”Monday, September 07, 2009″
雖然已經不是第一次看到這幾張照片，但CRT屏幕前的他還是有一點「感覺不良好」，
除了因為點點的後悔及內疚外，還有的是，他對這人的認知，已停留在2009年9月7日為止…

「近一年來，這人還好嗎?」
「已找到真正的倚靠者嗎?」
「是否已經成為出色的照料者?」

一堆沒有答案的問題在他腦中打轉，雖然要知道答案，
他只需在電話上按下幾個數字便可得知，但他沒有這樣做。

也許，他沒勇氣再去跟這人談話，怕氣氛尷尬，或是怕會再傷害到這人…
他或許更不想當電話接通後，是一名陌生人的聲音，甚至是「你所打既電話號碼已經停止使用…」

他害怕這通電話會使二人的最後交集亦中斷…maybe…

你在我記憶旅行　每步也驚心
跟你踏過許多足印　舍不得轉身
你贈我太多見聞　拿不走的熱吻
多努力放低　偏不會忘記　苦戀紀念品
純屬過路風箏　不懂得愛別人
[audio:http://ngl.hk/wp-content/uploads/lamfung-remember-to-forget.mp3|titles=記得忘記]

不得不承認，Eason的確很神…

在群眾表示佢把聲傷咗，應該好好休息既時候，
但佢仍然堅持表演，由最初幾首用唔到假音，
之後一句「我已經慣咗聲沙，係有人唔慣啫」，
繼續又唱又叫，不斷地牽引觀眾情緒，讓自己及全場皆進入忘我境界…

你可以話佢是在自殘，亦可以話佢懂得及時行樂(搵錢?個人認為いいえ)…
最重要係，佢知自己做緊乜，亦知道佢應該做D乜…
單是這點，你需要佩服佢既勇氣及精神，
神，或許就是需要當一般人不會/不敢做的事…

83年出生，10年來，錯過了家駒，還好，再16年後，沒有錯過Eason。
與林夕小姐+分身及朱小姐一齊用$150換來這經歷，marvelous

演唱會其間曾經魂不附體地回想某些過去與現在，
其後看回林夕小姐提及林夕的「富士山愛情論」，
再回想自己過去唯一正式既戀情，與及近日一名朋友既說話…
「喜歡一個人　就像喜歡一個風景　風景再美　也沒法帶走」
「我只是想我喜歡的人開心…」
「最愛的， 更應放手…不一定要擁有」

嗯，也許如此…而，現在那個「她」呢?
還未感覺到是何種情感…
anyway，慢慢地拿捏該如何面對這感覺…

題外話，朋友經常說我FB上甚多女生留言，又話我多女性朋友…
我想講，點多都好，應該都唔夠鐵心多啩?
單是佢每次語出驚人都引來大堆美女留言，
就知我同佢根本就唔同「呢」…要追趕，我想還欠十多年功力呢…

BTW，我喜歡在網絡上可以產生幾乎無限可能性既互動，
由最初一首BGM慢慢認識3名女孩子，甚至一齊睇concert，
或是因為工作無聊頂透而鑽forum出post，認識同病相憐者，得閒搞gathering，
甚至因同一興趣而經歷一次又一次山間地獄團(雖然已幾近解散)，
而這正是我可以憑一部電腦(近日退化到用電話)已可打發時間…
在這裏，我找到另一個生存空間，找到了另一個我…a myself so-called NoGravity.

這…是宅嘛?i don’t think so…
所以，別要再說我遲早變宅男了…(最多說我遲早人格分裂好了，haha)

P.S.
突然想起自己曾幾何時發白日夢想寫一本科幻小說，
其中一句對白大概意思…
「神與魔，其實是一體兩面，問題是，你我怎樣去看」
Eason這表演，是神為世人，還是入魔自毁?
而愛一個人，又會否在他人眼中是一種傷害?
G.O.D. knows? D.O.G. seems will not know.