神，DUO
不得不承認，Eason的確很神… 在群眾表示佢把聲傷咗，應該好好休息既時候， 但佢仍然堅持表演，由最初幾首用唔到假音， 之後一句「我已經慣咗聲沙，係有人唔慣啫」， 繼續又唱又叫，不斷地牽引觀眾情緒，讓自己及全場皆進入忘我境界… 你可以話佢是在自殘，亦可以話佢懂得及時行樂(搵錢?個人認為いいえ)… 最重要係，佢知自己做緊乜，亦知道佢應該做D乜… 單是這點，你需要佩服佢既勇氣及精神， 神，或許就是需要當一般人不會/不敢做的事…
Gathering with “about 4 years” and “few days”
前排警訊先報道有關男子網上結交朋友而被騙(YouTube)， 轉個頭本人就約咗兩個未見過面既網友出嚟Gathering， 唔通唔怕俾人「夾」? 不過，既然一個係識咗近4年既林夕小姐，一個就係剛上大學既分身， 而且都係女仔，仲要約响我「主場」觀塘食飯(人家可是沙田大埔人)， 如果咁都俾人搞掂「劏死牛」，咁就真係抵死啦… 所以咁就做咗呢件自中四後就冇做過既事… 當然，以上說話純屬吹水搞笑，呢兩個friend，絕非一般網友咁簡單。
365日
近況updates… 响呢間公司做同一個post做咗365日，冇升職冇調職冇降職冇加人工， 名義上係做同一個post做得最耐一次(之前做咗年半份工都轉過title)， 老實講，工作上仍需努力… 同事間相處還ok，希望可以keep住啦… 突然去咗2日1夜camp，但係因為第2朝訓得晏得滯，冇出到去影相， 本來仲諗住入筒RDPIII去影沙灘…藍天白雲景(得支19-35mm，影女?殘念) 義工嗰邊，老實講，有點棘手+煩，班友仲係咁話下年選我做chairman… 放過我啦，好嘛? 總算正式復出，感覺還ok，不過要練番D氣至得，打一場就變咗死狗… 返工閒談期間，講起男女問題，突然被同事一語點醒，原來， 當年那段感情只能說是puppy love… 林夕小姐說「聽說puppy love的對象會定下自己往後找的那類人的影子」… maybe，不諱言現時仍然希望身邊女子係一個帶俾自己歡樂既sunshine gal… 當分身出現响我MSN同埋FB裏面之後，林夕小姐笑言我變得好忙， 幸好我個腦已經自動upgrade做最新N核多工作業專用型， MSN腳*2+FB+科林+網上新聞亦沒問題…haha 下一個365日，以上事情，會有多大轉變?…looking forward