不得不承認，Eason的確很神…
在群眾表示佢把聲傷咗，應該好好休息既時候，
但佢仍然堅持表演，由最初幾首用唔到假音，
之後一句「我已經慣咗聲沙，係有人唔慣啫」，
繼續又唱又叫，不斷地牽引觀眾情緒，讓自己及全場皆進入忘我境界…
你可以話佢是在自殘，亦可以話佢懂得及時行樂(搵錢?個人認為いいえ)…
最重要係，佢知自己做緊乜，亦知道佢應該做D乜…
單是這點，你需要佩服佢既勇氣及精神，
神，或許就是需要當一般人不會/不敢做的事…
終於hea完一個星期，由寶島返回香港。
老實講，好hea又算不上，因為每日都係揹住2機3鏡一閃，
每日都係晨早就起身(最早一日係8點唔夠起身)，有幾日都係趕尾班車返酒店，
加埋不斷既上錯車兜錯路等等…
幸好，成個trip都算係非常enjoy，精神總算叉足電，
不過就如林夕小姐所言，肉體卻像俾人打了一身一樣咁累…
anyway，回到香港，又開始忙碌既生活，先係星期六日行山，
加埋要處理900+張旅行相，之後就繼續返工放工…
Phyllis，記得出咗個旅行post唔准鬧呀，hahahaha
P.S. 在此補回，祝分身生日快樂。
數小時候，我雙腳將踏足地球另一片土地。
第一次，yes，第一次，離開歐亞大陸，目的地：台灣。
老實講，做咗呢份工年半(終於成為最長一份工)，接觸唔少航空知識，
日日同D人講：「趕今晚機」、「要standby」，
今次終於到自己要「趕機」…haha
一係唔去，一飛就一星期，仲要係選擇自由行，都算係奇異…
anyway，願可以enjoy呢個long vacation…
本來諗住寫寫近況，但精神開始跌watt，
都係留番去完台灣叉足電再寫…
先講講何謂膠箱作業。
黑箱作業相信大家都知係咩一回事，但係如果係眾人幾乎講到出面，
幾個月前已經表示會投某某一票，務求令嗰位仁兄可以順利當選，
咁，又係咩箱呢?
bingo，係膠箱，仲要係透明嗰隻 繼續閱讀…
先來「例牌」恭賀說話，願眾人都運勢猛如虎…
今年紅假變相多咗日(初一係星期日，補番年卅十嘛)，我就由初一放到初四…
年廿九去咗西貢食海鮮餐，$300食全海鮮宴，絕對ok啦，新年係要豪一次…
之後年卅十返工同埋食團年飯，跟住初一二兩日都係响屋企hea過，
鬼咩…又凍，又落雨，根本冇mood出街行…
初三去咗一年一度「賭王爭霸戰」，再一次證明Poker唔係咁適合我玩…
初四，當大部份打工仔都要返工博殺，我就可以訓到3點先起身，爽，
食完早餐打陣機，之後就幫朋友公司搬office，咁又可以慳番一餐dinner，都幾抵…
但係點解，當coming初五要返工既時候，
我先至唔知點解個腦唔肯休息係咁轉轉轉，搞到訓唔鬼到，要對住個mon等天光?
真係：「做乜諗嘢?」頂…
最新回應