近日狀態下滑，情況令人擔憂… 工作表現下滑，同時遇上麻煩客人，未有好對策…煩 運動性下降，就算加操1星期打足3日，狀態都係冇好轉， 反而得到2個大水泡…頂 精神力下降，做任何事都好似力不從心，就算係一D好urgent既事， 都一拖再拖，結果?唉…只能說，今次比賽delay，本人要負大責任… 攝影動力亦都大跌watt，浪費咗一筒RDPIII…(請看下圖數張爛相) 我，需要燃料，讓自己重拾動力，去繼續走人生路，有冇人可以support一下?
前排警訊先報道有關男子網上結交朋友而被騙(YouTube)， 轉個頭本人就約咗兩個未見過面既網友出嚟Gathering， 唔通唔怕俾人「夾」? 不過，既然一個係識咗近4年既林夕小姐，一個就係剛上大學既分身， 而且都係女仔，仲要約响我「主場」觀塘食飯(人家可是沙田大埔人)， 如果咁都俾人搞掂「劏死牛」，咁就真係抵死啦… 所以咁就做咗呢件自中四後就冇做過既事… 當然，以上說話純屬吹水搞笑，呢兩個friend，絕非一般網友咁簡單。
近況updates… 响呢間公司做同一個post做咗365日，冇升職冇調職冇降職冇加人工， 名義上係做同一個post做得最耐一次(之前做咗年半份工都轉過title)， 老實講，工作上仍需努力… 同事間相處還ok，希望可以keep住啦… 突然去咗2日1夜camp，但係因為第2朝訓得晏得滯，冇出到去影相， 本來仲諗住入筒RDPIII去影沙灘…藍天白雲景(得支19-35mm，影女?殘念) 義工嗰邊，老實講，有點棘手+煩，班友仲係咁話下年選我做chairman… 放過我啦，好嘛? 總算正式復出，感覺還ok，不過要練番D氣至得，打一場就變咗死狗… 返工閒談期間，講起男女問題，突然被同事一語點醒，原來， 當年那段感情只能說是puppy love… 林夕小姐說「聽說puppy love的對象會定下自己往後找的那類人的影子」… maybe，不諱言現時仍然希望身邊女子係一個帶俾自己歡樂既sunshine gal… 當分身出現响我MSN同埋FB裏面之後，林夕小姐笑言我變得好忙， 幸好我個腦已經自動upgrade做最新N核多工作業專用型， MSN腳*2+FB+科林+網上新聞亦沒問題…haha 下一個365日，以上事情，會有多大轉變?…looking forward
尋日上google睇新聞，一開睇育版見到MJ入選名人堂淚灑會場(YouTube)， 自然想八吓咩事搞到「神泣」，開咗條link睇完，碌落最底， 發現一段驚人消息….「AI與Grizzlies簽約穿回3號球衣」! 上季AI同Pistons既實驗宣佈失敗，搞到佢今年要响Twitter度求職， 仲話想同舊教練Larry Brown响Bobcats重聚… 結果?可能係因為佢既「正選論」嚇怕咗其他球隊， 最後都係得番Grizzlies肯同佢傾到埋尾，1年3.5M「低價」簽佢番嚟。 1年3.5M對AI而言自然係低價，甚至係底價，但係對一名老將而言， 而且係响上季表現唔算好標青既球員而言，呢個價都算係差唔多… 可能因為自知球隊唔會放佢打正選(球隊嗰邊已經放風唔會改培育新人既方針)， 所以佢亦都再冇強調「starter」同埋個人而集中講「Team」， 不過冇所謂啦，平均俾佢打20-25分鐘我諗都差唔多… AI入Grizzlies，個人認為係一件好事…因為: 總算有球隊肯簽佢(呢點就邊個球隊都冇關) Grizzlies其中一個主要Sponsor係我做緊嗰間公司FedEx(順便擦吓公司鞋) 球隊裏面有幾個得分好手，Mayo+Gay+Zach三個鋒衛加埋成50+PPG(Grizzlies官網/Zach Stat)， 可以分擔AI得分壓力 著番3號波衫，呢點就要讚吓個新仔Sam Young 不過，經驗既分野始終係一大問題，AI呢種「唯我獨尊」既老將， 可唔可以同一班平均1-3年資歷既後生仔(Grizzlies官網)產生良好化學作用， 好影響到AI呢一季既表現，甚至影響班新仔既發展… 10月28開始，又係時候得閒上吓網DL番D比賽睇喇…