得閒要update吓…唔係呢度又會發霉… 先回番上篇關於AI既去向，我諗有睇開NBA都知， 佢最終以老將底薪回到娘家76ers，你可以話佢墮落， 亦可以話佢鳥倦知還，anyway, 有得打，總好過就咁退休… 幫完朋友影完個音樂會，一大堆相，雖然個pose幾乎一式一樣， 但係D衫一件黑一件白，加埋唔用得閃，真係好鬼難影… 同時間，4/3機細sensor最重要問題─noise有時真係好困擾… 曾經有一段時間心情好差，個人好燥…幸好，事情總算暫時解決… 我筒RVP100影咗成2個月仲未影完… 嚟緊聖誕節又係大出血時候…好在之前有OT，應該夠駛啩…
2009年11月17日，Memphis Grizziles正式宣佈買斷AI既1年合約。 雖然咁樣代表AI正式成為Free Agent，可以同任何球隊簽約， 但問題係：有冇球隊會同佢簽約? 答案係：NO。 雖然開季前有幾隊球隊曾經考慮簽入AI，但係當AI被Grizziles放棄之後， 之前「有興趣」既球隊大都改口風，只有New York Knicks表示「考慮」， 不過响同Nets呢場「最弱對最弱」之戰開打前，佢哋正式表示「放棄簽入」… 原因?歸根究底，兩個字：「正選」
邊個話星期六好天架? 香港天文台已經去到「信佢一成，雙目失明」既可悲地步， 估唔到連一水之隔既澳門都係一樣，明明兩個天文台都話星期五陰天星期六有陽光， 結果星期五香港呢邊就藍天白雲(我朋友話既)，我星期六去澳門就天陰密雲超大風， 搞到連D相都灰晒，仲諗住過去燒埋筒RVP100嘛，而家又有排… 今次澳門之行可謂有唔少奇遇…1) 去到澳門ondogdog行咗一輪先至走去截的士過氹仔 2) 撞吓撞吓俾我去到食豬扒包(正宗係咪大利來記呀?) 3) 氹仔80%舖頭都關門, 唔通… 去晒娛樂場?4) 行咗近2個鐘至走去問人買地圖，原來澳門旅遊地圖係免費， 但係唔好旨意佢會幫你成為澳門通 5) 居然有小朋友企响我隔離成5分鐘有突， 就係為咗睇我影咗張咩相，難為了企响佢隔離既媽媽一齊吹風 6)買嘢拎個$5當$2用(鬼咩!八角形嘛…) 7) 第一次感受到D賭仔嗰種不服輸…怕怕… 影咗一堆爛相，擺低$100俾何生(我存住先咋，我一定會拎番!到時記得計息!)， 食咗豬扒包，買埋手信(有人話鉅記正過咀香園喎!雖然我prefer Solar多過蔡瀾)， 咁就1日，駛咗近8舊，兼病埋! BTW，如果天氣好+冇病，我會俾今次行程滿分… 彩色爛相放咗响FB，album擺咗D執完(都仲係好爛)既B&W…
《愛，錯在哪裏?》 託同事要求代還此書，順便睇咗部份， 講愛，是自由，沒有痛苦，很柏拉圖式， 同時認為當不愛，便該抽身，說得灑脫， 可惜，人是知易行難，最少，我無法做到如此灑脫，如此Platonic… 近日被分身來個當頭棒喝… 錯，或許在於經常响唔適當時候做唔適當事情… 或許，有點過份理性，那，感性的我在哪? 遺忘了，最少，生活中所需要的「我」，總是理性的「我」… 或許，這是可悲… 如果《男女大不同》中火星金星理論是成立的話， 我是一名頑固既火星人，要活於地球上，仍需甚多努力… 這，是錯嘛?if no，錯在哪裏?答案尋找中… P.S. 球場上的感覺找回了，同時間，另一種感覺又像失去了… 是平衡嘛?是要我放棄其一嘛?這或許就是所謂「公平」…