最少好似林夕小姐所言：

向好看好彩一人行唔會累到同行 =P

4日4夜的行程，沒有1秒鐘的陽光，不停的雨過天陰，數不清的冤枉路，一個人近乎盲目的响台灣走啊走。

不過都好過响香港hea住屈响屋企訓4日。

最少，我去到我上次冇去既幾個地點，留低幾條腳毛。

最少，我可以完整的自己一個人處理有關旅行既所有工作(上次去有朋友搞咗一大部份，thanks a lot)，
咁下次再去旅行都起碼知點做，同埋知道自己下次plan行程可以有D咩做好D

最少，我得到4日的寧靜，完全可以放低香港的一切(除咗手信)

提起手信，本來冇諗過話買D咩俾邊個(除咗2位同事一早講明要D咩之外)，
只係當見到一件嘢，「咦?好似幾啱邊個喎」咁就買落嚟。

結果嘛? 我買咗超過廿份手信，夾埋應該用咗NTD6000左右

如果你收到我既手信，咁即係代表响我行程期間我有諗起你呢個人
如果冇，其實唔係代表我完全冇think about u，只係有時我真係買唔到咁多，再咁買落去我破產喇大佬…

另外，多謝咁多位朋友响我出trip期間俾咁多個like同埋comment我，
其實我打卡既目的都係想萬一我出咩意外大家都知我大概响咩位置，方便收屍嘛

至於D相…用mobile既基本上都放咗上FB，用DSLR影既就要D時間執喇…

可惜，本來打算响台灣極速KO响5/2所影既function相，結果一張都冇搞過(因為太累)。
唯有返到嚟再係咁開OT做啦，星期三要交貨…
同埋就係冇行到書店打書釘同埋買書，失敗…

BTW，下一次離開地球表面，我唔想做孤獨精…(N小姐你說得對呀!I am 孤獨精，haha)

至於下一次既行程嘛…如果係台灣(又係!)，我想响3月中去，天氣好D嘛，
而家就順便响度徵旅友喇(如果係女友就更好!haha)

當然，唔排除去另一個國家，只係暫時未有好地方，大家不妨俾D意見小弟啦

相片遲吓開新post放上嚟，或者放响album，當然FB都會有啦

下一次，天空再見。

老實講，好hea又算不上，因為每日都係揹住2機3鏡一閃，
每日都係晨早就起身(最早一日係8點唔夠起身)，有幾日都係趕尾班車返酒店，
加埋不斷既上錯車兜錯路等等…

幸好，成個trip都算係非常enjoy，精神總算叉足電，
不過就如林夕小姐所言，肉體卻像俾人打了一身一樣咁累…

anyway，回到香港，又開始忙碌既生活，先係星期六日行山，
加埋要處理900+張旅行相，之後就繼續返工放工…

Phyllis，記得出咗個旅行post唔准鬧呀，hahahaha

P.S. 在此補回，祝分身生日快樂。