2011. 07. 01
香港有病，任何階層的香港人也不能獨善其身。我唔敢講政府係咪有能力去醫呢個病，但我頗肯定政府唔太願意去醫呢個病。
遠方的悲劇
2010年8月23日，菲律賓一名前警察挾持旅遊車要求復職，最終以最壞的方式結束， 8名香港人連同鎗手死亡…(圖片來源：美聯社) 一時間，在香港的市民團結一致，不斷留意新聞的最新消息， Facebook內出現不同的群組，為遇事者祈禱，送上祝福， 亦有不有人轉載不同圖片及連結，批評菲律賓當局處事不當，或是向一些冷血同胞發出怒吼… 我唔敢講我係對呢件事極度關注，最少我唔打算响呢度或者面書向當局發出控訴， 亦唔打算花大量時間向嗰D對事件感到高興既「人」身上， 但，最少，呢段文字係我寫blog以嚟打字期間心情最沉重既一篇…
王維基唔做?好呀，expected result
王維基做亞視CEO，一開始我已經覺得奇奇怪怪， 本身都已經係電視媒體公司0既高高層(HKBN本身係under CTI，而HKBN又有BBTV) 走去本身「患重病」0既ATV做CEO，真係唔知佢做乜， 是否如報章所言「令ATV唔會變成中央台」，我倒不能肯定， 不過從陰謀論去諗，想ATV同BBTV合而為一亦可能係其中原因…
新的觀塘，新的裕民坊?
觀塘裕民坊重建計劃終於落實，預計2021年，一個新0既觀塘將會誕生。 新的觀塘，井井有條，環境優美，(可能)係觀塘居民理想0既生活環境。 「此計劃不但在觀塘市中心內，提供一個安全無車的步行環境和更多的社區設施，同時亦致力保留街頭文化，讓市民可享用更多優質的公共休憩用地。優化後的觀塘市中心，可為觀塘區及東九龍，創造一個現代綠化都市及社區生活新焦點。」 quote from 市區重建局網頁 作為半個觀塘居民(各位樂華友，你稱自己住觀塘還是住牛頭角?) 我不得不承認現時觀塘區在交通上的規劃的確存在問題， 但其他呢?個人認為並沒有太大問題。 如果要解決觀塘區交通問題，我認為有一個簡單方法， 就是將月華街巴士總站重新規劃成一個多層式交通交匯處， 這方式可以參考坪石巴士總站做法，並同時在交匯處頂層進行綠化， 並提供表演場地及休憩設施等，這做法不但可以紓緩觀塘區交通問題， 同時亦可減少對現有環境的改變及影響。 若觀塘真的根據市建局的計劃藍圖重建後，會變成怎樣? 雖然我沒有藍圖在手，但看罷市建局網頁那張模型圖， 加上新聞的報導後，另一個「數碼港」在我的腦海裏出現… 200-280米高地標式商廈，即是有60-80層樓高， 包括地下4-5層高商場，會否太高?商業單位會否太多? 用唔用得晒呀? 0向裕民坊興建大型商場，咁APM呢?唔係大型商場嘛? 個商場又會係由邊個去管理? 又有咩人有資格同能力去租商舖經營? 個人認為一定唔會係現時0向觀塘做生意0既小型商戶囉 大部份綠化環境圍繞住宅項目發展，日後會否成為私人發展商0既土地? if yes，開放俾公眾0既代價(包括管理等)又係咪由買樓0個班人去分擔? 市建局估計重建期長達12年，先將月華街巴士總站移到福塘道， 一搬就係12年，咁呢12年個交通問題會唔會更加惡化? 重建後，裕民坊一帶將會成為一個大公園，一個住宅項目，一棟商廈，一個商場， 周圍呢?舊屋處處，一邊係7層私人樓+金舖陣，一邊係高尚住宅區， 咁係咪一個香港現今社會貧富懸殊，社會分化嚴重0既縮影? 重建後，觀塘區本身擁有0既人情味又會否繼續存在0向高樓大廈之間? 如果要起地標商廈、住宅項目，牛頭角下村會唔會係一個更好0既選擇? 圍住0既都係較新0既私人屋苑，又有大型商場，綠化空間又唔算多， 要整個好似而家裕民坊重建計劃0既大花園，我諗會好過拆一大堆樓再起過。 當然，法例可能唔俾咁做，但係一個地方丟空咁耐，另一邊就要急急腳重建， 咁係咪反映到政府0向社區發展上0既盲目? 同一時間，咁樣一拆一起，又會否造就一D大型發展商從中取利，構成利益輸送? 雖然而家我0向呢度講乜都冇用，但係我諗我有必要0向度發洩一0下我0既不滿。 更多有關觀塘區重建資料： 觀塘重建訊息─活在觀塘