日本有Smap x Smap，我就有blog+album…SPAM x SPAM! 真係話咁快又一年…coming up…狼虎之年… 出咗舊大糧(幾多?學D藝人咁講：唔講啦…滿意數字)，不過轉眼又冇乜剩， 既繼續敗家，同時又要開始打算partly重返校園… 話就話有得claim，但係第一舊點都要自己俾…咁又近5位數字… 臨近年尾，工作量開始又多番(個個都趕收爐嘛…)， 真係講電話講到口水乾…希望新年嗰一排會靜D啦… 新年假期好似冇咩大節目，最少初一二都係Free Booking， 當然，初一就梗一個人過架喇…只係諗緊初二會點… 幫朋友公司搞部電腦，傾起讀書打工做老細… 或者可以咁講，讀書，有時係入場劵，為份好工， 打份工，如果人工高，有得發展，可以係為日後創業儲本儲經驗， 做老細，有實戰經驗固然重要，但係學少D學慢D，一樣會俾人fade out， 所以學歷同相關知識，一樣有用 BTW，可惜我冇本，相關知識又唔夠，如果唔係，或者我會入股過吓老細癮… 今日先發現，原來我支kit鏡個Hood係放咗响件外套個袋到… 如果早D搵到，或者我已經一早升級玩1454… 算，而家另有目標─70300…快D跌價啦… 近日可謂諸事不宜，工作忙到嘔，又病咗打唔到波， 天氣又反常(冬天晚上氣溫25度!簡真係痴線)， 仲要連我個album都俾spam攻佔(見上圖)…真係WTF… 既望過咗牛年，一切會轉好…農夫(+麥玲玲?)話我今年財運好喎…hope so… 心中感嘆…似水，流年，不可以留住昨天 留下…只有，思念…一串串…永遠纏 浩瀚煙波裡，我懷念…懷念往年 外貌早改變，處境都變 情懷，未變 似水流年