邊個話星期六好天架?
香港天文台已經去到「信佢一成，雙目失明」既可悲地步，
估唔到連一水之隔既澳門都係一樣，明明兩個天文台都話星期五陰天星期六有陽光，
結果星期五香港呢邊就藍天白雲(我朋友話既)，我星期六去澳門就天陰密雲超大風，
搞到連D相都灰晒，仲諗住過去燒埋筒RVP100嘛，而家又有排…
今次澳門之行可謂有唔少奇遇…1) 去到澳門ondogdog行咗一輪先至走去截的士過氹仔
2) 撞吓撞吓俾我去到食豬扒包(正宗係咪大利來記呀?) 3) 氹仔80%舖頭都關門, 唔通…
去晒娛樂場?4) 行咗近2個鐘至走去問人買地圖，原來澳門旅遊地圖係免費，
但係唔好旨意佢會幫你成為澳門通 5) 居然有小朋友企响我隔離成5分鐘有突，
就係為咗睇我影咗張咩相，難為了企响佢隔離既媽媽一齊吹風
6)買嘢拎個$5當$2用(鬼咩!八角形嘛…) 7) 第一次感受到D賭仔嗰種不服輸…怕怕…
影咗一堆爛相，擺低$100俾何生(我存住先咋，我一定會拎番!到時記得計息!)，
食咗豬扒包，買埋手信(有人話鉅記正過咀香園喎!雖然我prefer Solar多過蔡瀾)，
咁就1日，駛咗近8舊，兼病埋!
BTW，如果天氣好+冇病，我會俾今次行程滿分…
彩色爛相放咗响FB，album擺咗D執完(都仲係好爛)既B&W…
首先,天文台只係預測,唔可以完全作準,畢竟只係人同人類既科技,並唔係神!!雖然都好同情你既哩個旅程!!
另外,大利來記,無錯,就係最傳統既發粉味豬扒包!!只有外地人先會去食,本土人90%係唔會去食既,又貴又難食…黎澳門搵野食就好似澳門人自己過香港搵野食咁,乜都唔知只好靠D蔡生蘇姐….可唔可靠就自己林啦,反正澳門真正好食既野真係最好問D為食既澳門人好D!!
@路人甲
really?
不過唔緊要啦, 有排都冇錢/冇時間去, thanks for your comment =)