2009年11月17日，Memphis Grizziles正式宣佈買斷AI既1年合約。
雖然咁樣代表AI正式成為Free Agent，可以同任何球隊簽約，
但問題係：有冇球隊會同佢簽約?
答案係：NO。
雖然開季前有幾隊球隊曾經考慮簽入AI，但係當AI被Grizziles放棄之後，
之前「有興趣」既球隊大都改口風，只有New York Knicks表示「考慮」，
不過响同Nets呢場「最弱對最弱」之戰開打前，佢哋正式表示「放棄簽入」…
原因?歸根究底，兩個字：「正選」
如果大家問，一個career average有27.0分既球員，做正選有乜問題?
齋睇得分數據，我諗冇乜邊個會challenge，但係…
- 35歲老將
- 身高183cm
- 外線投籃能力偏低(我指3分)
- 身上傷痕幾乎比NBA史上任何一名球員都要多
- 打法傾向切入突破上籃，功攻意識較低(以同等身型球員比較)
- 防守能力較弱(非戰之罪，一來身型問題，二來同佢生涯有關，後述)
- 職業生涯頭10年於76ers為第一得分點
- 自轉會Nuggets後，3年間平均得分下降至23.12
- 2008-09年度平均得分為17.5分，比career averager少9.5分
- 新球會Grizziles以培育新人為主要方針
綜合以上各點，大家認為新球隊會以AI為中心點出發去打拼嘛?
好明顯，Grizziles所需要既，係AI擁有既經驗，同埋成為Bench中既得分主力，
而唔係放佢打正選場場拼足30分鐘拎25+，同時令其他球員發揮唔到100%火力…
簡單講句，「第6人」，就係AI响球隊裏面既角色
(陰謀論一點，賣多點門票亦可能是球隊既潛在目的)
雖然，AI响過去的確有佢既輝煌成就，例如最矮常規賽MVP，帶領76ers打入總決賽，
其cross-over迷倒不少年青人學習，而且其不屈精神亦為世人所推崇(包括本人)，
可惜，馬死落地行，AI似乎唔明白呢點，响35歲呢個球員生涯上既大分水嶺，
佢仍然堅持自我，為「正選」一位而與球隊鬧翻，最終打3場便請大假，
然後球隊選擇waive(好聽D係買斷合約，唔好聽係被裁)，
甚至搞到其他有興趣既球隊都打退堂鼓…
到底，係邊個造就今時今日既AI，同埋佢今時今日既下場?
除了Grizziles外，疑兇有四：
- 76ers
好明顯，今時今日AI既成就，係76ers所造就，同時，亦係11年來76ers
管理層既處事手法同球員交易，令AI成為「唯我獨尊」既一名球員…
11年來，由rookie打到變老將，一直都將開火權完全交予AI，
响球員安排上亦只加入大量role player，去協助AI面對防守上既不足，
反而甚少透過交易換入其他可靠得分點去分擔AI响進攻上既需要，
結果呢?請睇睇近幾年既Cavs，LBJ幾乎一個攻晒，不過LBJ比AI幸運，
最少佢有身型，防守上冇咁蝕底，AI呢?大家都知係咩一回事… - Larry Brown
你可以話佢係AI既恩師，同時亦係佢令AI响戰術執行能力變弱既幫兇，
因為响佢既指揮下，AI成為進攻策動者+終結者，反而本身作為playmaker
既PG就成為運球上前場既工具，當然，「巧婦難為無米之炊」，
拎住一票role player，的確唔易去安排戰術，所以佢只能話佢係幫兇，
不過佢有冇响比賽以外既時間去train球員有關戰術運用，
同埋製造其他出手機會呢?god knows… - NBA (on behalf of David Sterns?)/傳媒
唔好意思，又係陰謀論。不過，「造神運動」都已經可謂眾人皆知，
繼Jordan之後，NBA一直都希望create另一個「神」去刺激呢項運動，
Penny Hardaway、Grant Hill、Kobe Bryant、LBJ、Dwyane Wade…
數之不盡既「繼承者」，其中AI亦應為其中一名「候選者」，
可惜，AI本身性格反叛，所以佢最後未有成為「Another Jordan」，
反而成為另一名「神」──不屈不撓既「戰神」…
NBA令AI成為觀眾眼中既鐵人、一夫當關萬夫莫敵、不畏強權者等等，
同時間，被NBA塑造成反叛角色中既表表者…(另一個係Dennis Rodman)
當中，傳媒响中間推波助瀾當然有唔少「功勞」，原因為何?
Shaq响上年All Star Game一句說話可以代表晒：「it’s all marketing」 - Pistons
其實Pistons成班球員沒甚麼錯，錯在引入AI既管理層，
一向以防守為取勝法則，突然放走大腦Billups，換入攻優於守既AI，
為既係幫球隊注入新動力?為賣票?為改變風格?呢點只有Joe Dumars知道。
但係一年過去，結果呢?好既係打起咗Stuckey，壞既係球隊戰績插水下降，
Wallace選擇過檔Celtics，球隊正式進入重建，同時助了Nuggets成為強權…
仲有就係，毀了AI一個球季。
咁，我們──球迷呢?如果球迷會對AI相對地糟糕既防守報以噓聲，
質疑佢响球場上既「獨食」，冇對佢既進攻表現進行幾乎無限既誇大
(唔係咩?有時手感差射3X中10拎2X分都有人讚，話「射手唔應該介意命中」…)
或許AI响佢既成長路上或會變得更完滿，成為另一名攻守傳射皆能既偉大球員…
現時既AI，算係偉大，但係，總欠了一點。
或許，是一個總冠軍。
或許，是一個Hall of Fame(這個要等一下，不過，個人認為AI唔會入選，可惜)
或許，這才是戰神，由世人所建立既不死戰神。
但，或許，是我們毀了戰神。
Anyway，如果有人問：「誰是NBA中既戰神?」「The Answer」(AI別名)
佢响NBA上，响籃球場上所代表既不死精神，暫時仍然係唯佢獨尊，
雖然佢有可能就此告別NBA，就此告別籃球──以一個不甚光采既形式，
但係，作為球迷，作為籃球員，我哋應該以佢既不死精神為榜樣…
Respect.
