前排警訊先報道有關男子網上結交朋友而被騙(YouTube)，
轉個頭本人就約咗兩個未見過面既網友出嚟Gathering，
唔通唔怕俾人「夾」?
不過，既然一個係識咗近4年既林夕小姐，一個就係剛上大學既分身，
而且都係女仔，仲要約响我「主場」觀塘食飯(人家可是沙田大埔人)，
如果咁都俾人搞掂「劏死牛」，咁就真係抵死啦…
所以咁就做咗呢件自中四後就冇做過既事…
當然，以上說話純屬吹水搞笑，呢兩個friend，絕非一般網友咁簡單。
首先，林夕小姐同我都識咗近4年，原因就係因為一首Crucify My Love…
千多日過去，我由屋皮轉咗AcrossThEra再入番Lair成年有突，
林夕小姐亦都因為「拆屋」而轉玩Blogger，雖然之前溝通唔多(咪搞錯!Not「媾通」!)
不過近日做咗MSN常用連絡人，兩隻吸血鬼成日傾到夜一夜先訓
(好在本身平日都夜訓，所以冇影響工作表現，唔係就真係俾人鬧死)
佢雖然年紀唔大，但比同齡女仔擁有更成熟既思想，
同佢chat就好似同一個同齡既女子傾一樣，幾特別，亦傾得幾開心…
而分身嘛…正式認識呢位小妹妹只係10多日，雖然之前已經知道佢唔少事蹟…
一名sunshine girl，熱愛足球(人家可是足球隊member)，同時講嘢冇時停，
有佢在場基本上唔會有dead air，雖然係唔夠淑女，不過，總比熟女好…
另一方面，佢同我响性格上有頗多相似點，although唔能夠逐一列出，
不過最少有兩點係肯定…第一係佢同我一樣懶訓，第二係…
我完全証實到你地係失散左n年的兄妹，講d gag同樣咁爛
我完全證實到你二人是失散N年的兄妹，講d gag同樣咁爛
by 林夕小姐 (…我認我講爛gag，最少我唔係Plastic Bag)
所以，做本人分身，呢位小妹妹絕對稱職…
不過唔知點解，分身對本人戀愛史好感興趣(at least比林夕小姐強)，
係咪個個小妹妹都對男生既感情史有強烈興趣去八卦?真係god knows…
講番當日Gathering，去咗APM食和花亭，食物還ok啦，
而且大家都係旨在聚聚，傾得都幾開心，
同林夕小姐先到，雖然算係第一次Meet，不過唔似一般情況咁，
兩者之間冇乜陌生既感覺，可能真係識得耐啦，
何況佢係响尖沙咀已經撞見我一鑊，係本人散光認唔到佢啫(失敗…)
不過下次如果朋友係病緊就要出聲嘛…本人同分身都擔心呢…
至於分身遲到(小妹妹唔好咁懶訓啦…)，不過結果都要等多成半粒鐘先有得食，
席間同平時3人MSN相近，主要都係分身响度發言(佔一半)，
不過有時聽佢講嘢都ok既，好relax，係一種討人喜歡既性格，
而林夕小姐雖然唔多出聲，不過佢講嘢都好有point，直達中心，
而且出嚟聚往往會談及平時MSN唔會傾到既話題(恕內容保密)，
成個聚會大家都算盡興，絕對係nice gathering…
同呢兩位朋友傾，我諗對我而言，某程度上係精神上既relax，
尤其是係當本人工作壓力大既時候…好似近呢兩日咁…
所以好enjoy响屋企冇嘢做時同佢哋chat…
當然，期待下次Gathering…