今日再諗起一啲，再寫…
關於兩岸三地統一嗰一幕，我諗係編劇借3個男角去做一塊鏡…
- 內地人，表面上唔擔心統一這回事，只計較利益，
或者係因為佢哋會認為台灣這小島最終亦唔會飛出內地既五指山，
同時，亦可能真係佢哋而家已經變得太市儈，只顧自己，
懶理國土完整這些「國家大事」…
雖然，直啲講句，「國家大事，關你咩事」，管得了嗎? - 台灣人，一句「活得有尊嚴」道出不少台灣人心態，
雖然响歷史洪流裏面，呢場所謂抗爭只係war in a pocket，
不過處弱勢仍然堅持者，大可以說自己有尊嚴，企硬…(下刪N字)，
但係為一種唔係必需既自我認同而企硬，會唔會矯枉過正?
大家都係地球人，係咪一定要表明立場，「禾絲太彎輪」? - 香港人，典型世界仔，拎得起放得低，
會適當地為所需放低自己「樽鹽」，
只係香港人會否如以前高考一文《人生的意義》中所說，
存心待機「收復道德的失地」?…
算，唔寫太多，因為我都係香港人…
朋友响FB提及真心問題…每個人都會有真心既一面，
只係，表達方式因人而異，而受者是否接收清晰又係另一個問題…
就如劇中Ling是真心希望日後可以有健康穩定日子，
但基於這日子建立响一個可怕秘密之上，難免令佢响表達上出現扭曲，
諸如處處設限，同時因為佢既過去，因而令佢無法再真心面對朋友，
結果最終令悲劇重演…
BTW，如果人與人相處可以多啲坦白，少啲猜疑，
好多悲劇都可以avoid…只係，人越大，往往只會更多疑更少真心…
唉…(開始步入中年，越嚟越多感概呢…懶係…)
至於頭尾場錯配問題，睇完一大堆website資料之後，諗通一件事…
故事主幹係要突出「人性之死」…一種比Physical death更可怕既事情，
當人性一切所謂價值、仁義、理性等都徹底被KO，人，已經唔存在，
因為人已經同禽獸冇分別，甚至係禽獸不如，套用場刊內彭秀慧一句：
這比誰人犧牲了要來得哀傷吧。
therefore，頭尾出現既女子是誰，重要咩?
口水太多，就此收筆。
P.S. 原來我話寫書評俾Zola兩本書，結果都係一粒字都未打過…