《慢慢來/比較快》，「很　屌」

初讀九把刀著作，因為隨身攜帶隨時睇，為免miss，所以要有書簽，
但係以我呢啲10年都唔睇一次書既人，何來書簽一張?
好在我有替代品──同樣MIT既FreeStyle Online光碟一隻，既然已經報廢，
粗粗地厚厚地，頂住先啦…

用96小時唔夠既時間，睇完一本近230頁既散文集，
對我嚟講簡直係近乎impossible…

不過，「近乎」not equal to 「=」，更何況impossible is nth，
結果响星期一晚至買，呢本集結九把刀近365日既所思所想，
我响星期四晚响暫時變身做人哋「外遇」之前已經幾乎睇完，
變身完畢返到屋企，正式KO咗佢。

睇完之後，第一，九把刀真係「九把刀」，仲要差唔多張張利，
咩topic佢都可以寫一篇有番咁上下既文章，
講政治，講校園，講人性，講藝術，講寫作，呢D現實嘢，Ez，
連玩科幻例如紙箱國、乾屍、雨男等，都可以寫到似層層難分真假，
難怪佢寫啲小說吸引了唔少讀者…
雖然，我仲未係，但係，遲早會係。

第二，我妒忌，妒忌佢有能力可以14個月寫14本書，
雖然我都試過3個月出5本雜誌(as one of editors)，但我諗如果係單飛既話，
我14年都唔會嘔到1本…仲有就係妒忌佢有個樣子還不賴，
仲要(好似/應該)勁善解人意既女友小內，大家都係留鬚，點解佢有正女我冇?
雖然，唔否認佢留鬚比我好睇N倍，不過，我就係妒忌…

第三，我佩服，佩服佢能夠睇完《戰狼300》反思西方國家現時既正義，
佩服佢能夠將半個8月15露出嚟，然後擺條海蔘响接近asshole位既激相放落本書，
佩服佢能夠大大聲講出佢對某人某事既獨特見解，仲要都算係有point唔係狗up，
哪管寫完之後可能會有上千人去佢個blog度洗留言板，簡單D講，
佢想做，同時就夠guts去做，呢點，除咗寫個「服」字，nth more to say…

呢本書，07年出版，我買呢本仍然係初版，唔通滯銷?
maybe，因為始終係報章專欄整合，要睇既，可能睇報紙已經睇完，
不過，正如九把刀自己所講，「作品賣很爛，也不痛不癢」
感覺上，佢冇諗過自己係咪千里馬，係咪已經遇到伯樂，
只知道自己喜歡跑，所以跑。

…佢似乎學識近乎完美既人生哲理…好似…
雖然唔係人人啱用，最少，not me…
不過，人係識妥協，會妥協，要妥協，
工作搵銀紙，為生活，放工搞興趣，為自己，都可以very good…
用台語，應該就係「很屌」…

呢本書原價93，書展打折變65，仲要內附VCD一隻，
未睇隻碟講佢點樣响二水做替代役，已經覺得本書物有所值，
如果睇埋隻碟，我諗我要將上面嗰句台語改用廣東話講，
同埋响中間加個「抵」字…

不過，先睇埋《跳舞有時》投埋稿，睇吓拎唔拎到親筆簽名小說，
再睇碟講嗰3個字都未遲…

P.S.
提起FreeStyle，我仲有成個月至復出，但係打呢隻game，
我又資質有限兼時間欠奉，無法以此game充飢，只好繼續餓波…