N.G.L.

好細個0個陣曾經睇過一本有關人腦構造0既書，提及「夢」，
是指人對過去經歷的一些溍在反應的具現化，有釋放壓力同埋整理記憶0既作用，
同時間，有唔少人亦認為夢可以預知未來(所以咪有《Minority Report》呢套戲囉)，
問題係，人類仍然唔能夠以科學角度去理解同掌握呢種「能力」…

有冇試過一D夢境中曾經出現0既事情，0向現實生活中「出現」?
我0向剛過去0既星期六，竹戰期間，一舖9章混一色索子，
再「上」一刻，12章，單吊，手持一隻紅中一隻六索，兩隻都係生章未出過，
突然，腦海閃過影像…不就是早前夢中所見的情境嘛?
我不斷思索在夢中的我，到底棄掉那隻牌，並自言自語：「咁有印象0既?」
諗完又諗都係不得要領，最後為安全計，留紅中棄六索。
(…大佬呀，一檯四隻腳得我一家做索子，打六索基本上冇得輸，
打紅中3家都可以碰/胡，到時俾錢就無謂啦…)

結果呢?如果我留六索，我好大機會自摸，仲要係2次，未計之後轉章所產生0既機會…
但係隻紅中呢?原來上家已經謀住佢，一打出即碰，仲有可能胡埋…

不過而家諗番起，夢中的我，係留六索棄紅中…當時0既原因同結果就已經唔記得喇…

現實的我推翻了夢中的我的決定，孰好孰壞?no one knows…
最起碼，我認為現實中的我冇做錯，咁就已經ok…haha

今日，收到來電，一睇來電顯示，
係一位唔會成日搵人0既朋友，
打得0黎，當然係想搵人傾。

如果係以前，我會唔理自己做緊D乜，二話不說同佢傾番三五十分鐘，
不過今次，我選擇”call U later”。

原因?打機。

我改變了嗎?
是心灰了?是變得成熟?還是已經變得成一名宅男?

…不管如何，這位朋友，I will call u later，I promise.