今年聖誕，跟過去幾年不一樣。
平安夜倒真是平安，11點便找周公打機…
25號則三人行睇《葉問》…影評就沒有了，但如果認為《霍元甲》這類片不是你杯茶的話，
你可以選擇睇其他片，因為個人認為《霍元甲》比《葉問》好睇…
之後去0左竹戰…跟平常沒兩樣。
Boxing Day又係呆在家中hea，當然，hea有hea好，so free…
反而係假期過後星期六晚去0左party，一洗就係5百大元…
而且最後不勝酒力，返到屋企樓下終於被KO，連早餐都冇食…
(BTW，其實係我叫朋友一齊食早餐，不過自己頂唔住…haha) Read more…
講緊係我0既probation…
原來唔覺唔覺，已經做0左將近3個月…雖然training都去0左成個月…
某程度上0黎講，0向金融海嘯之下，我都算係幸運兒一個：
- 冇買股票(因為冇錢買)，所以暫時未有直接損失
- 海嘯0黎之前轉到工，唔駛話卡住0向做與唔做之間
(因為之前份工真係好悶…)
- 公司表明暫時唔會裁員，亦未有減薪計劃住，
所以而家個飯碗尚算穩定，只係冇人工加0者…
- 而家個工作性質都算係適合自己(although已經預見到一D自己唔想面對0既事)
coming仲要5天工作(當然，星期六係要work，不過輪放)
可以慳多D食飯錢…
綜合0黎講，而家工作上已經算係滿意，但係為0左要儲錢讀書去旅行，
所以都要開始積極D搵freelance，可惜手上冇DSLR，
暫時未可以接function影，唯有幫人整機收住D先啦…
各位好友，請多多關照小弟。
王維基做亞視CEO，一開始我已經覺得奇奇怪怪，
本身都已經係電視媒體公司0既高高層(HKBN本身係under CTI，而HKBN又有BBTV)
走去本身「患重病」0既ATV做CEO，真係唔知佢做乜，
是否如報章所言「令ATV唔會變成中央台」，我倒不能肯定，
不過從陰謀論去諗，想ATV同BBTV合而為一亦可能係其中原因… Read more…
又係荒廢0左成個月…
- 去0左睇Nick Vujicic佈道會，從中得到一點點啟發，
although我仍然係近乎無神論者…
- 經過幾天的反覆思索，我「知道」自己死後的光景如何，
但跟任何宗教完全無關，可說是以科學角度去窺見自己的「死後世界」，
我「知道」自己的精神如何長眠，「知道」自己的肉身會如何地被處理掉，
亦「知道」自己如何在他人的精神之中「存活」…
- 想到這裏，我感到自己對「死亡」已經沒有以前的恐懼…
請放心，這不代表我會隨時輕生…
- 開始明白有人為何一生亦追求「名」與「利」…
坦白說，我亦望能夠在歷史中留名，當然，是持有正面的價值去留名…
而「利」嗎?夠養妻活兒有閒錢去去旅行散散心及少許敗家地買相機+菲林便可…
- 開始思索如何使自己能夠「名氣」，或許，攝影是其中一途…
但，自問要做到如攝影大師般流傳千古，應該是mission impossible
最少，要做到如自己的導師Felix So(上過佢大半年堂)那樣的成就，亦難以達到
而且，being a professional photographer，似乎是not my cup of tea
- 同一時間，彷彿自己找到自己工作(或事業)上的一點大方向，
近來發現自己是較偏向problem sloving的一類，例如整電腦、CS等，
這性格傾向是否就如《男女大不同》所言的「火星人」思維模式?haha
(BTW，烽爺你借我本《男女大不同》幾時還呢?…)
- 已經25歲加N個月了(譚校長名句)，是時候給自己一條明確的事業道路吧，
近日跟很多舊同學碰面，多謝你們的建言及鼓勵，
我想，我亦算是找到了事業的最後分水嶺…
either CS，or Network Security…
- 跟我住得最近的朋友說穿了我的一大缺點，就是專注力不足，
的確，是時候專注地去做好一件事…
「當你專注地去做好一件事情，其他事情自然會慢慢好過來」
承你貴言
- 不過…我想我還是會繼續打籃球，半敗家地攝影，行山，做義工，
還有其他的事情…最少，2009年，要去第一次拎passport出國旅行
- 而感情事嘛…倒真的是放得很輕，但輕的程度居然引來朋友的擔心…haha
(呀，這已是上個月的事情了，到現在才寫，明顯地我這個blog真的結蛛網了…)
始終，現在不是我談戀愛的時候，還是let it be吧…don’t worry，I’m ok
- 幸好，自問有一點是比較強的，就是知道自己在甚麼地方比人強，
亦對自己強的地方抱有一定的信心，這方面，我倒可以「教訓」朋友呢…haha
- 或許你在過去的數年的確不太如意，但我認為每件事情之間是有相互影響的，
這些年來不如意事如連鎖反應般發生，令你對著一些本身抱有信心的事情，
亦像失去了力量似的，當被人以較強勢的態度追問及質疑時，
便開始懷疑自己…
- 也許，過去是黑暗的，就像陽光下的影子般一直黏著自己，
但，影子並不可怕，因為影子永遠在你的操縱之中…
何況，你現在不是已經決定大破大立，面向陽光往前進嗎?
(開始感到有點語無倫次…)
不管你是誰，或是前景如何，共勉之，mate
- 據知有朋友打算闖一番事業，在此祝願他們成功，
還有，若我到台灣定會先問朋友那位奇人的聯絡，
倒想讓他為我的人生帶來一些影響及建言…
- 近個多月來燒了不少菲林，但慣性地放上facebook便算…
待聖誔假期有2天空假再upload到此，facebook相片的質素還真是…唉…
- one more thing，1月中或會有bonus出，但在愁是用於讀書還是玩樂…
不過，讀書的機率會高一點
最後，請期待，這裏再次的活躍起來…(小弟已經努力中啦…)
最新回應